Pishlok va olma bilan pishirilgan tovuq ko'kragi folga ichida ajoyib darajada mazali va suvli bo'lib chiqadi. Go'shtning ichida erigan pishlokning shirin sharbati oqishiga yo'l bermaydi va go'sht eng yaxshi sifatini saqlaydi. Oddiy va mazali ushbu parxez taomi kechki ovqat uchun juda ham manzur bo'ladi. Tayyorlanishi juda ham oddiy bo'lgan bu taom mazasi bilan qalbingizga chinakam rohatlanishni taqdim etadi.
Kerakli masalliqlar:
2 ta o'rtacha hajmda tovuq go'shti filesi
120 gramm qattiq pishloq
1 dona olma
2 dona jambul shoxchasi
2 - 3 osh qoshiq mayonez yoki smetana
Ta'bga ko'ra tuz va murch
Tayyorlash usuli:
1. Dastlab, tovuq ko'kragining barcha qismini sovuq suv bilan yuving, keyin uni quruq oshxona sochig'i bilan quriting va tepa qismidan pastga kesib oling (garmoshka kabi).
2. Olmani yaxshilab tozalang va uncha qalin bo'lmagan bo'laklarga, parrak shaklida bo'ling. Pishloqni ham huddi olma kabi kesib, tovuq filesini olma va pishloqga to'ldiring.
3. Tayyorlangan go'shtga ta'bga ko'ra tuz va murch seping. Mayda qilib to'rg'algan jambulni sepib, ozgina o'simlik yog'i surtilgan pishirish qolipiga joylang .
4. Pishirish qolipi ustini folga bilan o'rang va 200 darajada qizdirilgan gaz pechida 30 daqiqa davomida pishiring.
5. Go'sht tayyor bo'lgunga qadar mazali sous tayyorlang. Buning uchun : smetana yoki mayonezga 1 - 2 dona ko'kat shoxchasi va sarimsoq donachasidan maydalab qo'shing.
6. Tayyor taomni jambul shoxchasi yoki boshqa ko'kat shoxchasi bilan bezang va sous bilan dasturxonga torting.
Yoqimli ishtaxa!