Nihoyat onajonimning eski vafli pishirgichining yulduzli onlariga ham navbat yetib keldi. Axir unda ajoyib, qarsildoq va yupqa vaflilarni tayyorlasa bo’ladi. Yupqa vaflilarni o’z holicha, buragach quyultirilgan sut, jem, yong’oqlar bilan ichini to’ldirib yesangiz bo'ladi. Albatta hammasi o’zingizga havola.
Kerakli masalliqlar :
1 stakan un
1 stakan shakar
5 dona tuxum
250 gramm saryog'
Quyultirilgan sut asosi uchun (sgushonka)
Tayyorlash usullari :
1. Birinchi navbatda tuxumni oz-ozdan shakar qo'shib, ko'pirtiring. Tuxum aralashmasi quyuqlashgandan so'ng, bo'laklarga bo'lingan saryog'ni birlashtiring.
2. Saryog'ni ozgina vaqt eriting so'ng, oz-oz miqdorda unni qo'shib, bir xil konsistensiya hosil bo'lguncha aralashtiring.
3. Tayyor xamirdan maxsus vafli pishiradigan pechga quying, qopqog'ini yopib, 40-60 soniya pishiring.
4. Tayyor bo'lgan vafli nonini extiyotkorlik bilan o'rang. Qolgan xamir qismi bilan ham shu holni takrorlang.
5. Tayyorlangan vafli nonlarini butunlay sovuting. So'ng, quyultirilgan sut bilan maxsus qopcha yordamida to'ldiring.
6. Tayyorlangan mazali tayoqchalarni yaqinlaringiz bilan ulashing.
Yoqimli ishtaxa !
