Italyanlarning sevimli shirinligi bu tiramisudir. Aslida italyancha tiramisu «maskarpone» pishlog’i solib tayyorlanadi. Shunday ekan bugun sizlarga ajoyib retseptni taqdim etamiz. Tayyorlanishi juda ham oddiy. Mazasi sizga butunlay bir lazzatlanishni taqdim etadi.
Kerakli masalliqlar :
300 gramm uzun shakldagi pechenya
500 gramm maskarpone pishlog'i
3 dona tuxum
100 gramm shakar
2 choy qoshiq vanilin
400 ml suvutilgan qaxva
3-4 osh qoshiq rom yoki konyak
5 osh qoshiq kakao kukuni
Tayyorlash usullari :
1. Tuxum oqini sariqlaridan ajrating. Tuxum sariqlarini shakar bilan aralashtiring. So'ng tuxum sariqlariga maskarpone pishlog'ini, vanilinni qo'shing, va qoshiq yordamida extiyotkorlik bilan aralashtiring. Aloxida idishda tuxum oqini yengil ko'pik holiga kelgunga qadar ko'pirtiring va tuxum sarig'i aralashmasiga aralashtiring.
2. Sovugan qaxvaga rom yoki konyakni qo'shing. So'ng, pechenyalarni qaxvaga botiring va tiramisu tayyorlanadigan idishga tekis qatorda tering, buni tezkor usul bilan bajaring.
3. Terilgan pechenyalar ustiga pishloqli kremdan soling, kakao kukunidan seping va yana qaxvaga botirilgan pechenyalardan tering.
4. Kremning qolgan qismini bir tekislikda soling va kakao kukunidan seping.
5. Tayyor tiramisu shirinligini 3 soat va undan ko'p vaqt mobaynida muzlatgichga qo'ying. Belgilangan vaqt o'tishi bilan shirinlikni yaqinlaringiz bilan baham ko'ring.
Yoqimli ishtaxa !
