Qirol vatrushkasi juda ham oson tayyorlanadigan mazali pishiriqlardan biri. Ushbu pishiriq nafaqat kundalik taomlar qatorida balki, bayram dasturxoni uchun ham tayyorlansa maqsadga muvofiq bo'ladi. Ushbu vatrushka o'zining mazasi bilan barchaga lazzatlanish baxtini ulashishi turgan gap.
Kerakli masalliqlar :
4 dona tuxum
500 gramm tvorog
100 gramm saryog'
1 stakan shakar
1/5 stakan un
1/4 choy qoshiq sirkada o'ldirilgan ichimlik sodasi
Bir chimdimdan tuz va vanilin
Tayyorlash usullari :
1. Barcha kerak bo'ladigan mahsulotlarni tayyorlang.
2. Sovuq holdagi saryog'ni qirg'ichdan o'tkazing.
3. Saryog'ga un, o'ldirilgan ichimlik sodasi, shakar yarmini birlashtiring va saryog' erimasdan masalliqlarni ushoqlang.
4. Pishirish qolipini saryog' bilan surting. Xamirning ko'proq qismini qolipga soling va qolip bo'ylab tekislang.
5. Asos uchun : tuxum, tvorog, shakarning qolgan qismi, tuz va vanilinni birlashtiring.
6. Birlashtirilgan masalliqlarni extiyotkorlik bilan bir xil konsistensiya hosil bo'lgunga qadar aralashtiring.
7. Pishirish qolipidagi ushoqli xamir ustiga tayyorlangan asosni soling va tekislang.
8. Solingan asos ustidan qolgan ushoqli xamirning qismini soling.
9. 180-200 darajada qizdirilgan gaz pechida vatrushkani pishiring.
10. Pishib chiqgan vatrushkani pishirish qolipida butunlay sovuting. So'ng, bo'laklarga bo'ling. Tayyor qirol vatrushkasini yaqinlaringiz bilan baham ko'ring.
Yoqimli ishtaxa !