Hushbo'y va ishtaxa ochar bulochkalar juada ham oson tayyorlanadi. Kechki ovqatdan so'ng ushbu tayyorlangan bulochkalar issiqqina choy yoki qaxva bilan barchaga manzur bo'lishi turgan gap. Ushbu retseptni albatta sinab ko'ring.
Kerakli masalliqlar :
300 gramm un
1 dona tuxum
30 gramm saryog'
100 ml issiq suv yoki sut
30 ml apelsin sharbati
150 gramm shakar
15 gramm xamirturush
4-5 choy qoshiq apelsin po'sti
Tayyorlash usullari :
1. Tayyorlanadigan bulochka uchun barcha kerakli masalliqlarni tayyorlab oling.
2. Birzumda eriydigan xamirturushdan foydalansangiz, u holda issiq sut yoki suvning bir qismiga xamirturushni soling.
3. Un, tuz va bo'laklarga bo'lingan saryog', tuxum, sutning bir qismi, apelsin sharbatini birlashtirib, aralashtiring.
4. Xamirturush qo'shilgan sutni oz-ozdan qo'shib, o'rtacha yumshoqlikda xamir qoring. Tayyor xamirni 1 soatga issiq joyga olib qo'ying.
5. Belgilangan vaqt o'tib, xamir hajmi ko'paygandan so'ng, xamirni 4-5 sm qalinlikda yoying.
6. Qirg'ichdan o'tkazilgan apelsin po'stini shakar bilan aralashtiring va yoyilgan xamir ustiga tekis qilib solib chiqing.
7. Xamirni rulet qilib o'rang va uzunligi 2 sm bo'lgan bo'laklarga bo'lib chiqing.
8. Pergament qog'ozi yozilgan pishirish qolipiga bulochkalarni terib chiqing. 20 daqiqaga ustini yopib olib qo'ying.
9. Tayyorlanagan bulochkalarni 180 darajada qizdirilgan gaz pechida 20 daqiqa davomida pishiring. Tilla tusga kirgunga qadar. Tayyor bulochkalar ustini hohishingizga ko'ra shakar kukuni bilan bezatishingiz mumkin.
Yoqimli ishtaxa !