Bugun tayyorlanadigan pirojki xamiri juda ham yumshoq, asosi esa mazalidir. Tayyorlanishi juda ham oddiy, mazasi esa butun bir lazzatlanish baxtini taqdim etadi. Ushbu pirojkilarni tushlik, kechki ovqat dasturxoni uchun har kuni tayyorlasangiz ham ular birzumda dasturxondan g'oyib bo'ladi.
Kerakli masalliqlar :
400 gramm qavatli tayyor xamir
4 bo'lak kolbasa
Bir necha bo'lak qattiq pishloq
4-5 osh qoshiq un
1 dona tuxum
Tayyorlah usullari :
1. Tayyor xamirga un sepib, yoying. Yoyilgan xamirni 4 qismga bo'ling.
2. Tayyor xamir qismlarining yarmiga yupqa kesilgan pishloq, pishloq ustidan esa kolbasa bo'laklarini qo'yib chiqing.
3. Xamirni ikkinchi qismini asos ustiga yoping va sanchqi yoki qo'lingizda xamir chetlarini yopishtirib chiqing.
4. Pergament solingan pishirish qolipiga tayyor pirojkilarni terib chiqing.
5. Pirojkilar ustini ko'pirtirilgan tuxum bilan surtib chiqing. 180 darajada qizdirilgan gaz pechida pirojkilarni 30 daqiqa davomida pishiring. Pirojki usti tilla tusga kirgunga qadar.
6. Tayyor bo'lgan pirojkilarni issiq holda dasturxonga torting.
Yoqimli ishtaxa !