Zebra pirogi o'ziga xos ta'mga ega bo'lib, tayyorlanishi oddiy, lekin juda ham mazalidir. Bu tortni kundalik dasturxoningiz va bayramona dasturxoningiz uchun tayyorlasangiz barchaning ko'ngliga manzur bo'ladi.
Kerakli masalliqlar:
360 gramm shakar
6 dona tuxum
100 gramm saryog'
200 gramm smetana
250 gramm un
1 choy qoshiq razrexlitel
2 osh qoshiq kakao kukuni
100 gramm yong'oq ( 30 gramm bezatish uchun)
150 gramm shokolad ( achchiq yoki sutli)
Tayyorlanish usuli:
1. Xona haroratida yumshatilgan sariyog'ni 180 gramm shakar bilan aralshtiring. Aloxida idishda qolgan shakar bilan tuxumni venchik yoki mikser bilan yengil ko'pirtiring.
2. Saryog'li massaga tuxumli massani qo'shib yaxshilab bir xil massa hosil bo'lgunicha aralashtiring. Smetanaga razrexlitelni qo'shib aralashtiring.
3. Smetanani sariyog' va tuxumli massaga qo'shib, yaxshilab aralashtiring.
4. Yong'oqni tozalab, maydalang. Un va maydalangan yong'oqni tayyor massaga qo'shib aralashtiring.
5. Tayyor xamirni teng ikkiga bo'ling.
6. Xamirning bir qismiga kakao kukunini elakdan o'tkazib qo'shing va yaxshilab aralashtiring.
7. Pishirish uchun qolipni sariyog' bilan yog'lab, shakarga botiring ( pergament qog'oz solishingiz ham mumkin).
8. Tayyor qolipning o'rtasiga 2 osh qoshiqda oq xamirdan soling, 2 osh qoshiq qora xamirdan soling. Shu ketma - ketlikda hamma xamirni qolipga solib chiqing.
9. Pirogni 170 - 180 darajada qizdirilgan pechda 45 - 60 daqiqa davomida pishiring.
10. Pirog usti qizarib ichi hom holatda bo'lsa, ustiga folga qog'ozini yopib yana 15 daqiqaga qo'ying.
11. Tayyor pirogni gaz pechidan olib, 5 - 10 daqiqa qolipda sovuting, so'ng qolipdan olib butunlay sovuting.
12. Pirogni bezatish uchun shokoladni suv hammomida eriting va iliq holda pirog ustidan atroflatib quyib chiqing, ustiga maydalangan yong'oqdan seping.
Yoqimli ishtaxa!