Biz natija uchun ishlaymiz. Lekin, ba`zida qilayotgan harakatlarimiz to`g`ri bo`lsa ham natija yo`q.
Noto`g`ri yondashuv, samarasiz usul va albatta xato o`ylangan taxmin. Mana o`sha 3 ta kit ustida turadigan omadsizliklaringiz.
Oramizda hamma ham o`z xatolaridan foyda ajrata olmaydi . Masalan men. Shu yoshga yetgunimcha o`nlab proektlarni tiriklayin ko`mganman. Mening xatoliklarim har doim ham tajriba bermasdiku ya, lekin hamisha tepkilarni ayamasdi.
Ushbu maqolada, men kanal ochish va uni boshqarish vaqtida qilgan asosiy xatoliklarimni yozdim. O`ylaymanki, meni xatolarim sizlarga foydali tajriba olib keladi.
Noo'rin kanal nomi:
Men ham qolganlar singari, "kanal ochib boyib ketaman" deb o`ylab yurganman. Kanal ochdim va unga kulguli nom berdim. Faqat bu nom kanalim mavzusi va unda nashr qilinadigan postlarimga umuman aloqasi yo`q edi.
Obunachilar kanaldan olma izlab kirishardi, lekin men ularga faqat sarimsoq piyoz berardim. Ular o`zlarini aldangandek xis qilardilar va 3 daqiqadan so`ng barmoqlari “Leave channel” tugmachasi ustida turardi.
Shuni tushundimki, kanal nomi uning mavzusiga aloqador bo`lishi kerak ekan.
Tushunarsiz logotip
Ba`zida ma`nosi faqat o`zimgagina ayon bo`lgan logotiplardan foydalanardim. Ko`pchilik logotipimga qarab, mening fantaziyamga raxmi kelardi.
Shunda, kanal - o`zimdan olib, o`zgalar uchun yasalishini angladim. Men nashr qilayotgan maqolalar, kanalim logotipi, nomi va uning maqsadi “jonli auditoriyam” ga tushunarli bo`lishi kerak . "Sening materiallaring obunachilar qiziqishi bilan bir nuqtada tutashsa – marra seniki" derdi ichki tuyg`ularim.
Kanal ta`rifi:
Kanal ta`rifida osmondagi va`dalar va barcha ruknlarni yozish yomon fikr. Qisqa va tushunarli yozish kerak. Mana twitter bizni nimaga o`rgatadi.
Kanalimda obunachilar soni ko`paygani sari, “nega hech kim men bilan aloqaga chiqmayapti” deya o`zimdan hafa bo`lar edim.
Kanalim ma`lumotnomasiga kirdim va axmoqligimni tushundim. Kanal ta`rifida, men bilan bog`lanish uchun o`z nikimni yoki telefon raqamimni yozmagan ekanman. Reklama yoki hamkorlik takliflari bo`lsa ham men bilan bog`lanisha olmagan.
Kanal ssilkasi:
Avvaliga, @internetdapulishlashsirlari ko`rinishidagi ssilka menga oz-moz yoqgandi. Faqat uni qidiruv maydoniga yozish yoki eslab qolish qiyin. Bu ham o`z navbatida kanalimni omma oldida rivojlanishiga to`sqinlik qiladi.
Kanal mavzusi:
Ommaga qiziq bo`lmagan yoki tor doiradagi mavzuni tanlab qo`yib, obunachilarim soniga qaraganda jaxlim chiqardi. Ayniqsa, reklama sotib olasanu, lekin obunachilar ko`paymaydi. Bori ham chiqib ketishni boshlaydi.. Men tanlagan mavzu(tematika) kichik auditoriya uchun bo`lgani sabab rivojlanishi qiyin, obunachilar esa kam.
Qilgan qaltis xatolarimdan biri bu – kanal mavzusi o`rniga shu mavzuga o`z ichiga oladigan bo`limni tanlashda.
Masalan, men avtomobillar mavzusiga aloqador, Matiz club nomli kanal ochdim. Nima deb o`ylaysiz, kanalga kimlar a`zo bo`ladi ? Albatta matizi bor odamlar.
Matizi bor odamlar esa, sizni postlaringizni doim o`qishga vaqtlari yo`q. Ular ish va daromad manbaini ko`paytirish bilan band bo`ladilar.
Kanal mavzusini kengroq olish kerakligini tushindim. Shunda, sizga sparki, lasetisi va xatto mashina olish istagida bo`lgan piyodalar ham a`zo bo`lishadi.
Xulosa:
Boshimdagi g`urralar soniga qarab, devorga bo`lgan muhabbatimni anglashingiz mumkin. Men o`z tajribamni devor boshimdan bo`sa olganida orttirganman. Balki bu jarayon menga yoqar. Lekin, tajribasizligini baxona qilib, oddiy xatoliklarga yo`l qo`yadigan odamlarni ko`rish yoqmaydi.
Baxona qilish o`rniga, imkoniyat izlash kerak. Masalan, sizlar uchun shu mavzuga aloqador katta qo`llanma yozganmiz : Kanal ochishning 5 oltin qoidasi .
Maqola judayam ko`p foydali materiallarga to`la, albatta o`qing, tavsiya qilamiz.
Nima ham derdim, meni xatolarimni takrorlamang. Tajriba kerak bo`lsa, kanal va saytimiz xizmatingizga muntazir. Shuni unutmang, Biz bilimlarni ulashamiz!