Вядомы даследчык, прафесар Адам Мальдзіс лічыць памылковым выказванні асобных гісторыкаў, якія называюць паўстанне 1863 года польскім паўстаннем, а Кастуся Каліноўскага польскім нацыяналістам. Пра гэта Мальдзіс заявіў у каментарыі Еўрарадыё. "А “Мужыцкую праўду” ён выдаваў на якой мове? Чаму ж ён не выдаваў яе на польскай мове ў такім разе? Гэта я хачу спытацца ў тых, хто называе Каліноўскага польскім нацыяналістам. Ён быў беларусам і паўсюдна падкрэсліваў сваю беларускасць. Але паколькі паўстанне пачалося адначасова і на тэрыторыі этнічна польскай, і на тэрыторыях этнічна літоўскай ды беларускай, і крыху на тэрыторыі ўкраінскай, то паўстанне тое было не польскім, а ўсеагульным. А сам Каліноўскі быў не польскім нацыяналістам, а беларускім! І на пытанне “Каго любіш?” адказваў: “Люблю Беларусь”". Нагадаем, у абноўленых падручніках па рускай літаратуры для 8-га класа паўстанне 1863-га года названае “Польскім паўстаннем пад кіраўніцтвам К. Каліноўскага”. Пра тое, што гэтае паўстанне было
Вядомы даследчык, прафесар Адам Мальдзіс лічыць памылковым выказванні асобных гісторыкаў, якія называюць паўстанне 1863 года польскім паўстаннем, а Кастуся Каліноўскага польскім нацыяналістам. Пра гэта Мальдзіс заявіў у каментарыі Еўрарадыё.
"А “Мужыцкую праўду” ён выдаваў на якой мове? Чаму ж ён не выдаваў яе на польскай мове ў такім разе? Гэта я хачу спытацца ў тых, хто называе Каліноўскага польскім нацыяналістам. Ён быў беларусам і паўсюдна падкрэсліваў сваю беларускасць. Але паколькі паўстанне пачалося адначасова і на тэрыторыі этнічна польскай, і на тэрыторыях этнічна літоўскай ды беларускай, і крыху на тэрыторыі ўкраінскай, то паўстанне тое было не польскім, а ўсеагульным. А сам Каліноўскі быў не польскім нацыяналістам, а беларускім! І на пытанне “Каго любіш?” адказваў: “Люблю Беларусь”".
Нагадаем, у абноўленых падручніках па рускай літаратуры для 8-га класа паўстанне 1863-га года названае “Польскім паўстаннем пад кіраўніцтвам К. Каліноўскага”. Пра тое, што гэтае паўстанне было польскім, піша ў “Настаўніцкай газеце” і дэпутат Палаты прадстаўнікоў, член-карэспандэнт Акадэміі навук Ігар Марзалюк:
“Студзеньскае паўстанне 1863 года, дарэчы, ніхто з сучаснікаў нацыянальна-вызваленчым паўстаннем беларускага народа не называў. Як ніхто не называў Вікенція Канстанціна Каліноўскага беларускім нацыянальным героем. Усе сучаснікі выкарыстоўвалі зусім іншае азначэнне — польскае паўстанне на Літве і Беларусі. “Беларусізацыя” В.К. Каліноўскага пачалася толькі ў пачатку XX стагоддзя”.