Першага чалавека, які нарадзіўся ў трэцім тысячагоддзі ў горадзе Светлагорску, завуць Вераніка Карнеева.
Вераніка Алегаўна Карнеееа — першы светлагорац і жыхар раёна трэцяга тысячагоддзя. Нарадзілася яна 1 студзеня 2001 года каля 9 гадзіны раніцы ў дзіцячай лякарні, бо радзільня на той час была зачынена на рамонт. Вага дзяўчынкі склала 3 кілаграмы 250 грамаў, рост — 51 сантыметр [1].
Шчаслівымі бацькамі стала сям’я працаўнікоў Рэспубліканскага ўнітарнага прадпрыемства “Светлагорскае вытворчае аб’яднанне «Хімвалакно»: Алег Міхайлавічі Іна Мікалаеўна Карнеевы. Бацька Веранікі на той момант працаваў аператарам дыстанцыйнага пульта кіравання прадзільнага цэха №3 вытворчасці поліэфірных тэкстыльных нітак, маці — перамотчыкам нітак круцільнага цэха №2 завода штучнага валакна РУП «СВА «Хімвалакно». Вераніка стала другой дачкой у сям’і Карнеевых. Яе родная сястра Лаліта Карнеева старэйшая на 1 год і 9 месяцаў.
Падпісвайцеся на наш канал у Яндэкс.Дзэне і будзеце ў курсе ўсіх новых публікацый!
Імя для Веранікі бацькі адшукалі ў слоўніку, калі дзіцё яшчэ не нарадзілася.
20 студзеня 2001 года ў Светлагорскім аддзеле ЗАГСа адбылося ўрачыстае ўшанаванне першага жыхара горада, які нарадзіўся ў трэцім тысячагоддзі. Родныя і блізкія, прадстаўнікі прадпрыемстваў горада, гарадскога выканаўчага камітэту перадалі сям’і Карнеевых падарункі. Самы дарагі з іх — ордэр на аднапакаёвую кватэру плошчай 32,2 м2 па адрасе: мікрараён Маладзёжны, дом №60, кватэра 11 — падараваў Карнеевым гарадскі выканаўчы камітэт. Адміністрацыя РУП «СВА «Хімвалакно» даслала сям’і сваіх работнікаў халадзільнік [2].
Аднапакаёвую кватэру, падораную гарвыканкамам, сям’я Карнеевых абмяняла 3 даплатай на трохпакаёвую кватэру ў доме №12 Юбілейнага мікрараёну г. Светлагорска.