9 декабрьдә Россиядә Ватан Геройлары көне билгеләп үтелә.
Шушы уңайдан 6 декабрь көнне “Эшлекле пәнҗешәмбе” киңәшмәсендә муниципаль район башлыгы Илдус Зарипов һәм муниципаль район башкарма комитеты җитәкчесе Илнур Хәмидуллин Социалистик Хезмәт Герое, Ленин ордены, “Урак һәм Чүкеч” алтын медале иясе, XXV нче партия съезды делегаты Гөлбикә кызы Кәримованы әлеге данлы бәйрәм белән котлап, ихлас теләкләрен ирештерделәр һәм чәчәкләр, истәлек бүләге тапшырдылар. Шундый ук теләкләрне Гөлбикә апабызга Саба һәм Теләче районнары хәрби комиссары Фәнис Закиров та җиткерде һәм бүләкләде.