Галай омакальг’атгин’ын пын’лойпын’ яёг’ын’кы федеральный тайкыён «Йиплэпав’гин’эпын’ региональный вагалыно то йиг’это». Йиллэнин умекет инэллэчг’э федеральный агентствак ен’альг’атгин’эпын’ А. Нерадько. В’утку эллай инэллэчг’ын крайик В. Солодов,инэллэчг’ын транспортакен то тайиг’этгин’эпын’ В. Каюмов, инэллэчг’ын иччетин «Аэропортав’ Камчаткакенав’» А. Журавлёв.
Омакальг’анма натанвэтгын’нав’ пын’лов’ йиплэпавык Камчаткак аэропортакенав’ вано, тит ыччу опта нанг’ыкалинав’ федеральный тайкыёлк’ылын’ «Йиплэпавык региональный аэропортав’ то йиг’это» майн’ытэнмэн йинтуйтывэвык вано кытаван 2024 то 2030 гэвэгин’этын’.
В. Солодовынак тывынэн А. Нерадько петыаэропортакьет Тэличчак то Никольскойик. В’утку нэнг’ытэйкынэв’ ремонтакенав’ вэтгин’о вагалынык, то ам вано, мин’ки ког’анн’ыволан’ к’ымек кочемалан’.
А. Нерадько мэлу лын’нин в’аняво инэллэчг’ын крайик, тит йиныплэпавык вагалыно то куйик ымын’ ею аэропортайтын’, мен’ин китын’ в’уйвык Никольское, то йинтыватык нытуйк’ин ваны, мин’ки ког’анн’ыволан’ йин’эльг’этылг’у Соболевык.
Титэ наятанвэтгын’нав’ тайкыёв’, нэегитэн’ын пын’ыл,тит ныг’итикынэв’ майн’ытэнмык «Иплэпав’гин’о региональный вагалыно то йиг’это” 2024 то 2030 гэвэгин’этын’.
В’утин гивик нэплиткунэв’ яноткенав’ йиплэпав’гин’о вагалынык в’уйвык Оссоран. Ымын’ ею вагалынык нэтэйкынэв’ нытуйк’инэв’. К’утин гивик вэтатъиччетэ наянтыванн’ынав’ аякальг’атгин’о. Эмет ымын’ ею нэеннэв’ аэропортайтын’ тит плиткук вэтгин’о. Эчги ФКП «Аэропортав’ Камчаткакенав’» накончоччымав’н’ынав’ документав’ тит гымлэн’ ныг’ын’вонав’ ен’альг’атгин’о Оссоран’к’о.
Эчгыпо йинчоччымав’нэн С. Тынанто.