Титэ итти г’ылв’ый Конституциякен Россиякен, краевой ванык миӈки каликалу накув’ъйипӈынав’ нэтэйкын йитг’атвылӈыгиӈын иччетин «Томгылг’атгиӈын». Ычгынан нэнчичг’энэв’ чининкинэв’ эйголатгиӈо юридический этгиӈэпыӈ яноткен государственный законэпыӈ- Коститууиякен РФ.
В’утин пыӈлоткогиӈык эллай 20 имы миӈкые валг’о пыӈлов’ Конституциякьет. Ӄуччев’ напӈылонав’ в’утин гивикинэкьйит инэгэйик меӈию нэкминэв’ Конституцияӈ. Инэллэчг’ын Камчаткакен иччетык «Томгылг’атгиӈын», Р. Гусейнов эвыӈ, ымоӈ мекив’ эллай пыӈлоткогиӈык ег’алай, мыев’ нэнчичг’энэв’ лиги лыӈгиӈо Конституциякенав’.
***
Инэллэчг’э крайик йинчоччымав’нэн тайкыён, тит ангычголав’ка 2021 гэвэгиӈык вэлатгиӈо юнэтылг’э коммунальный этгиӈэпыӈ. Ыннею пыӈлов’ натанвэтгыӈнав’ омакальг’анма, миӈки инэллэй инингив’ инэллэчг’ин Инэллэиччетык крайик С. Миронов.
Титэ нэегитэӈнэв’ тарифо, нэенив’тылэнӈынэв’ вэлатгиӈо коммунальный этгиӈэпыӈ 2021 г. 1,1% Камчаткак.
***
Майӈыынныӈийтыиччетэ нынылг’этылг’ын Ленинын нанчоччымав’нав’ 350 ынныпечгыёчго, ӈанэныйикын мекив’ ниччыг’эв’ коёналаӈ. Ыннею в’эннятгиӈо келлаӈ аӄачыг’ычгиӈыкъет.
Алла Назарова, инингив’ инэллэчг’ин энанвэлитков’гиӈэпыӈ колхозык эвыӈ, ӈывома аӄачыг’ычгиӈын ычгин иччет опта в’иннети. Ычгынан нэв’инненэв’ ымыӈ иччыюнэтылг’у, тыг’ыллыг’у аӄачыг’ычгиӈа меӈию эллай виткукинэк городской малав’ъяк. Ӈакые нэллэнэв’ йинӄитавылг’у ынну то консервав’.
Эчгыпо йинчоччымав’нэн С. Тынанто.