МОЛИТВА БЛАГОРАЗУМНОМУ РАЗБОЙНИКУ РАХУ

МОЛИТВА БЛАГОРАЗУМНОМУ РАЗБОЙНИКУ РАХУ

ТРОПАРЬ

Помяни мя, Господи, егда приидеши во

Царствии Твоем, со креста возгласил еси.

Ныне же будеши со Мною в раи, от Господа услышал еси.

Поминай и нас, Благоразумный Разбойниче Рахе,

на твои молитвы уповающих,

грехами изъязвленных и в след тебе вопиющих ко Христу Богу нашему,

Помяни нас, Господи, во Царствии Твоем.

КОНДАК

Телесно на кресте распятый ради злодеяний своих,

взором ко Христу устремился еси.

Узрев безвинные страдания Христа Бога нашего, приял еси благодатию Христовою, освящение

помраченного разума своего.

Благоразумия дар обретя, со креста ко Господу воззвал еси:

Помяни мя Господи, егда приидеши во Царствии Твоем!

МОЛИТВА

Святый благоразумный разбойниче Раше, распятый одесную Господа нашего Иисуса Христа и заградивый уста другому разбойнику, претя запретительнейше, Христа Сына Божия исповедуя, обещание получил еси от Спаса в раи пребывати, умоли Того и нас помянуть во Царствии Своем.

Мал глас испусти на кресте, велию веру обрете, во едином мгновении спасеся, и первый райская врата отверз вниде, покаяние Господу принесый, моли Того и нас с тобою сопричтенными быти.

Како возможно чудесное преображение сие? От разбойничего жития богопротивнаго к исповеданию веры в Господа Иисуса Христа обратился еси. Егда по слову Иоанна Златоустаго Петр отрече долу, тогда разбойник исповеде горе. Умоли, удостившийся разума благаго и обративыйся ко истине Христу Богу нашему, дабы и нам от законопопираемого греховного разбойничего жития имети силу и благодать отрещися, и к покаянному смиренномудрию обратитися.

Разбойниче благоразумный, во едином часе раеви сподобился еси, моли Христа Бога нашего древом крестным просветити и спасти нас. Аминь.

ВЕЛИЧАНИЕ

Ублажаем тя, святый Благоразумный разбойниче Раше, и чтим святое покаяние твое, ты бо молиши за нас Христа Бога нашего.