В’утин г’ылв’ыйилв’ынык айгытӄыӈӄал Камчаткак когалалаӈ ангытыткогиӈо этог’ылв’ыйикъет Корякский округэн, маӈэнынаӈ ныг’аллай 90 гэвэгиӈо.
Ӄэй келлаӈ эччыгиӈо аӄачыг’ычгиӈыкъет, эв’ынчам комаканӈыволаӈ айгытӄылг’у, то антыгэватка энанг’отав’гиӈо, ымыӈ накояваӈвоӈнав’ г’иӈытг’ымъайпинӈу, йилгылилив’, то уйӈэ еӄӄым эчеймэв’кэ ӄотэныйикыӈ. В’уткекъйит уйӈэ эӈуйлюӄэв’кэ, лиги нэкулӈыӈын майӈыэтгиӈын округэн- 90 гэвэгиӈо чининнутэкинэв’.
Инмы гакав’линав’ айгытӄылг’у эччыгиӈыӈ, этг’у ван нэкунгыйивэнӈынэв’ катгогиӈо ӄалалв’ынин, аӈг’алгиӈыӈ этононотаӈ, то в’ыепгиӈын чининваяткенав’ пыттоӈо.