Әлемде ең көп өмір сүретін елдердің ішінде тау халықтарының жүз жастан асқан адамдарының ғұмырының ұзақ болу себебін зерртей келгенде олардың негізгі тағамдары әрқашан да піскен сүт, айран, қаймақ, ірімшік және сүт өнімдері екені анықталған. Өзге де Шығыс Африкадағы кейбір халықтар тайпалары тек қана сүт өнімдерін қорек еткендіктен жүрек қан тамырлары ауруларына шалдықпаған деген деректер бар. Ғалымдардың нақты деректеріне сүйенсек, сүтте тірі ағзаның өсуі мен дамуы үшін өте-мөте қажетті қажетті заттардың екі жүзге жуық түрі бар екенін дәлелдеп берген. Олар: ақуыздар, май, минерал тұзы, түрлі дәрумендер, сүт қанты, түрлі ферменттер, сонымен қатар осылардың барлығы адам ағзасына жұғымды әрі тез сіңетіні анық.
Орыс ғалымы И.П.Павловтың қолжазбасына сүйенсек, "Адам ішетін тамақ түрлерінің ішінде, сүттің алатын орны ерекше", бұған күнделікті тәжірибеде қандай көз жеткен болса, медицина да нақ солай деп қуаттап отыр. Барша жұрт әркез де сүтті ең жеңіл, жұғымды тағам деп атайды және ол асқазанның ақауы бар адамдарға, сондай-ақ толып жатқан өзге де ауыр науқастарға, мысалы жүрегі бүйрегі ауыратын адамдарға аса пайдалы.
Табиғаттың өзі дайындап берген тағамдардың ішінде сүтке не жетсін! Ықылым заманнан келе жатқан ғалымдар мен ойшылдардың сөзіне сенсек, олар сүтті "денсаулықтың қайнар көзі, өмір шырыны" деп аса жоғары бағаланған. Сүт азықтық құнары жағынан кез - келген тағамды алмастыра алады, ал өзге бірде-бір тағам сүттің орнын баса алмақ емес, сүт кәріге де , жасқа да бірдей пайдалы деп кәміл сеніммен айтуымызба болады.
Олай болса, сүт ішіп жүрейік!
Егер мақала сізге ұнаса немесе пайдаңызға жараса менің каналыма жазылыңыз - ЖАЗЫЛУ