Камчаткак ӈывой итык этгиӈын «Нынниг’эв’ӄин ӄычвон». В’уччин тайкыён китыӈ тит йинӄэвивык ег’атгиӈо ниччыг’эв’ ёнатылг’ыйикыӈ г’оямтав’элг’ыйикыӈ. Туйгивикинэв’ ег’атгиӈо кымеӈыйкыӈ- ейв’элыйиг’ыкыӈ, ӈойлиг’ыйикыӈ нэенӄэвив’ӈынэв’ гамгамуниципальный иччеттылв’ынык. Ыннею ег’атгиӈо нэетэйкыӈнэв’ инэллэчг’э крайик В. Солодовынак, вэтатылг’а Инэллэиччетык Камчаткак, инэллэчг’э гамгав’ойвыӈӄо, тыӈивылг’э ваятэн Законодательный умекетыӈӄо.
***
Камчатка натвыгаг’ын ынан митг’аййинано вано, тит паӈав’ъйийик токгэвэгиӈыкэн г’ылв’ыёк. Вэтатылг’а ячвыӈчатгиӈынк туризмакен этгиӈык « Митычг’у йитг’этык ямкылг’у» нэйичинэв’ ынан нымэлӄинэв’ вано Россияк тит паӈав’ъйийик тойгэвэгиӈынг’ылвыёк. Инэллэчг’э общенациональный иччетык метг’аӈ йитг’этык ямкылг’у Г. Бабасян кыг’эйӈэв’ӈынин ямкылг’у ӄытык Камчаткайтыӈ.
***
Явытгыӈкэн иктыялэконаӈ нэнв’эӈэтын в’уйвык Устье- Камчатск. Спортакен ваны янотыӈ натав’аӈын кымиӈа, меӈию колӄынӈыволаӈ ДЮСШ. Ӄулин в’утку яялеколлайкэ конькита. То наянтываӈын ваны, миӈки якеметг’айпылайкэ етылг’у ялекок.
Тит нэнг’ийкуйин хоккейный уммитг’аёчгын, Усть-Камчатский районыӈ эллай пылв’ынто 2,8 миллионав’ краевой бюджетыӈӄо такыёлӄылэпыӈ «Физкультуран, спортакенав’ этгиӈо, тойваятэн политикан, паӈав’ъейгиӈо кымиӈин Камчатский крайик».
Эчгыпо йинчоччымав’нэн С. Тынанто.