Үзенә гаилә бәхете теләгән һәр хатын-кызга өендә бу гөлне үстерергә кирәк.
Спатифиллумны юкка гына “хатын-кыз бәхете гөле” дип атамыйлар.
Ышанулар буенча, спатифиллум үстерүче кызлар үзенә тиң парын тиз таба. Бу гөлнең озак вакыт балага узалмаган хатын-кызларга да файдасы бар, диләр. Спатифиллум үстерүчеләрнең сәламәтлеге, кәефе яхшыра, ул тынычландыра, шуңа да сабый сөю мизгелләре һич кичектерми килә.
Өйдә низаглар, бер-береңне аңламау, гаугалар булса, бу гөл сула, зәгыйфьләнә. Әгәр ул чәчәк атса, бик яхшы билге санала.
Спатифиллумны дөрес тәрбияләмәгәндә, ул чәчәк атудан туктый. Берничә киңәшкә колак салыгыз.
Гөлне кинәт зур чүлмәккә күчермәгез. Тамырлары чүлмәкне тутырмыйча, ул чәчәк атмаячак.
Ул яктылык ярата, әмма аңа кояш нурлары туры төшмәскә тиеш.
Кышын җылы урында, батарея янында торган гөлнең чәчәк атуын көтмәгез. Ул +16...+18 градуста ял итә.