Гадәттә, кешеләр яңа йорт яки фатирга ия булгач, өйгә Азан, Коръән, дога керсен дип, хәзрәтне чакыралар.
"Шулай ук туганнар чакырылып, матур табын әзерләп, хәзрәттән үгет-нәсыйхәт алып, шушы йортта яки фатирда тормышны дәвам итәләр. Бу кирәкле һәм мөһим гамәлләрдән булып санала.
Гомумән, элек-электән кешеләр, мәчеттән имамны дәшеп, аннан фатыйха алып, үзләренең эшләрен башкарган.
Дөрестән дә, Аллаһының ризалыгын алып, эшне башыннан дөрес итеп алып барсаң, ул нәрсә хәерле, файдалы, нәтиҗәле, яхшы уңышка ирешергә сәбәп булачак", - дип яза Ибраһим хәзрәт Шаһимәрданов.