Тропарь: Духа Святаго благодать стяжав, богомудре святителю Филарете, истину и правду разумом просвещенным людям проповедал еси, мир и милость сердцем умиленным страждущим явил еси, яко учитель веры и страж неусыпный паству российскую жезлом правости сохранил еси. Сего ради ко Христу Богу дерзновение имея, моли даровати Церкви утверждение и душам нашим спасение.
Кондак: Яко истинный подражатель преподобного Сергия, добродетель измлада возлюбил еси, богоблаженне Филарете. Яко пастырь праведный и исповедник непорочный, по святем преставлении от безбожный поругание и поношение приял еси, Бог же знамении и чудесы тя прослави и заступника Церкве нашея яви.