28 noyabr kuni Samarqand davlat tibbiyot instituting 10dan ortiq professor-o‘qituvchilari viloyat sog‘liqni saqlash boshqarmasi bilan hamkorlikda aholini tibbiy ko‘rikdan o‘tkazish maqsadida Samarqand viloyating chekka xududlaridan bo‘lmish Nurobod tumaniga tashrif buyurdilar.
Hammamizga ma’lumkin sog‘liqni saqlash tizimida birlamchi tibbiy-sanitariya yordamini ko‘rsatish, kasalliklarni profilaktika qilish va erta aniqlash tizimni xozirgi kundagi eng dolzarb masala bo‘lib qolmoqda. Aynan shu masalani yechishga ko‘maklashish, joylarda ko‘rsatilayotgan birlamchi tibbiy xizmat sifatini yaxshilash maqsadida Nurobod tumanining QVPlarida chuqurlashtirilgan tibbiy ko‘rik tashkil etildi.
Nurobod tumanini “Olg‘a” qishloq vrachlik punktida “Jom”, “Girdiqo‘rg‘on”, “Omandara”, “Tegirmonboshi” mahallalarida istiqomat qiluvchi aholi vakillarini chuqurlashtirilgan tibbiy ko‘riki o‘tkazildi, hamda ular xirurg, pediatr, onkolog, infeksionist, urolog, akusher-ginekolog, LOR, teri-tanosil, terapevt, nevrolog, travmatolog kabi 13 turdagi tor mutaxassisliklar vakillaridan maslahatlar ham oldilar.
Tibbiy ko‘rikni o‘tkazish bilan birga aholi vakillariga hozirgi vaqtda keng tarqalgan o‘pka kasalliklari, diabet, onkologik, yurak-qontomir kasalliklarni oldinini olish, profilaktika qilish va davolash usullarini, sog‘lom turmush tarzi va jismoniy faoliyat inson salomatligini poydevori ekanligi tushuntirildi.
Tibbiy ko‘riklar hududdagi “Olg‘a” qishloq vrachlik punktida tashkil etilib, kun davomida ming nafar fuqaro tibbiy tekshiruvlardan o‘tkazildi. Shundan, 235 nafar fuqaroda turli xil kassalliklar aniqlandi. Aniqlangan kasalliklarni bartaraf etish maqsadida 205 nafar fuqaroga ambulator tarzda davolanish uchun tavsiyalar berilgan bo‘lsa, 25 nafar fuqaro viloyat davolash-profilaktika muassasalariga, 5 nafari esa sanatoriyalarga yo‘llanma olishdi.
Institutni viloyat sog‘liqni saqlash bilan amalga oshiriladigan rejasiga muvofiq, viloyatni boshqa tumanlarida ham aholini ko‘rikdan o‘tkazish reja bo‘yicha mo‘ljallangan. Ishonchimiz komil, joylarda bundaqa tibbiy ko‘riklarni o‘tkazilishi viloyatda turli kasalliklarni erta aniqlash va vaqtida davolashga o‘z xissasini qo‘shadi.