Күп кенә авыруларны дәвалауга караганда булдырмау җиңелрәк икәнен барыбыз да белә. Шуның өчен вакытында диспансерлаштыру, медицина күзәтүләре узу мөһим. Авырып китеп, табибкә баргач: “Моңарчы кайда йөрдең, күгәрченкәем?”– дигән сүзләрне ишетергә язмасын. Ни кызганыч, быел коронавирус зәхмәте диспансерлаштыру программасына шактый аяк чалды. Әмма балалар сәламәтлеген кайгырту теләсә нинди эпидемия шартларында да алгы планда кала. Хәзерге медицина сабый дөньяга килгәнче үк яралгыдагы тайпылышларны ачыкларга мөмкинлек бирә. Соңгы вакытта медицинада еш кулланыла башлаган “скрининг” төшенчәсе дә күбрәк мәгънәдә бала һәм ана сәламәтлегенә кагылышлы. Әлеге теманы тулырак ачу өчен район үзәк хастаханәсе табиб акушер-гинекологы Рухсора Худойбердиева белән әңгәмә кордык.
Әлеге чара турында язманы "Саба таңнары" газетасында укый аласыз
