Bugun, 16 noyabr kuni Milliy olimpiya qo‘mitasida Bosh assambleya yig‘ilishi o‘tkazildi. Yig‘ilishda ayni vaqtda O‘zbekiston taekvondo WT assotsiatsiyasi raisi bo‘lib ishlayotgan Sherzod Toshmatov MOQda vitse-prezidenti lavozimiga saylandi.
Sherzod Toshmatov 2014-2019 yillarda O‘zbekiston boks federatsiyasi birinchi vitse-prezidenti sifatida faoliyat yuritgan. Bu vaqtda Braziliyada o‘tkazilgan olimpiada o‘yinlarida o‘zbekistonlik bokschilar 7 ta medalni qo‘lga kiritgan edi.
Sherzod Toshmatov ayni damda O‘zbekiston taekvondo WT assotsiatsiyasidan tashqari, O‘zbekiston MMA assotsiatsiyasida ham rais o‘rinbosari sifatida faoliyat yuritadi. Shuningdek, u 2010 yildan buyon Osiyo havaskor muaytay federatsiyasi vitse-prezidenti hisoblanadi.
Ma'lumot uchun, 2019 yil 15 maydan O‘zbekiston Milliy olimpiya qo‘mitasiga Rustam Shoabdurahmonov prezidentlik qilib keladi. U o‘z arizasiga ko‘ra ishdan ketgan Umid Ahmadjonovning o‘rnini egallagandi.