Мария Чисталева
Фото Виктор Остряковлӧн
Вермы кӧ, важӧн тэ дорӧ лэбы
Тӧвся войын шутлялысь турӧбӧн,
Фото Виктор Остряковлӧн
Вермы кӧ, важӧн тэ дорӧ лэбы
Тӧвся войын шутлялысь турӧбӧн,
Сьӧкыдлун тэнсьыд лым пӧвстас дзебы,
Да тулыснас сывды няйт гудырӧн...
Вермы кӧ, босьты тэнсьыд став дойсӧ,
Шыбыті ылӧ ёсь кыр вывсянь.
Бергӧді бурӧн гаштӧмтысь войсӧ,
Юрыд эз сьӧктав мед асывсянь.
Вермы кӧ, юкы став ассьым радӧс,
Ӧтнад мед некор эн жугыльтчы.
Джынъялы тэкӧд мыладжык кадӧс,
Кань моза тэ дорӧ куткыртчы.
Вермы кӧ, бокын дерт жӧ ме эг ов,
Тэ вӧсна нэмыс ме тӧждыси.
Верман кӧ ачыд, кор сюрӧ пырав,
Этшаджык вичмас мен майшасьны.