Այսօր օֆլայն բիզնեսին կարևոր է ոչ թե լատինատառ ցուցանակը, այլ Google-ի և Yandex-ի որոնման աջ մասում ընկերության մասին տեղեկատվական հատվածը: Եկեք խոսենք այն մասին, թե ինչպես պետք է ավելացնել ընկերության տվյալները քարտեզների վրա:
Անկախ այն բանից, ապրում եք գյուղում կամ քաղաքում՝ կարևոր է հասանելի դարձնել ձեր ընկերության մասին տեղեկատվությունը:
Հայաստանում զարգացած է Գուգլ համակարգը և ընկերության ավելացումը օգտակար է լայն լսարան ունենալու համար: Յանդեքսով հիմնականում օգտվում են ռուսները և որոշ ԵԱՏՄ երկրներ:
Ինչպես ավելացնել ընկերությանը Google քարտեզների վրա
Դուք պետք է ստեղծեք էջ Google Իմ գործ ծառայությունում:
Ի՞նչ է դա տալիս: Առաջին հերթին հնարավորություններ.
- տեղեկացնել օգտվողներին կազմակերպության գների, աշխատանքային ժամերի, իրադարձությունների և նորությունների մասին;
- հետևել կարծիքների հետևից և արագ արձագանքել դրանց;
- վերլուծել բիզնեսի մասին տեղեկատվության դիտումները (ընկերության մասին տվյալների դիտումների քանակը, լուսանկարների, տեսանյութերի դիտումները);
- կցել քարտեզներ երթուղուն դեպի կազմակերպություն;
- ամրապնդել հեղինակությունը շնորհիվ օգտվողների գնահատականների:
Ընկերության ավելացման ալգորիթմ
1. Մուտք գործեք Google Իմ գործ և սեղմեք «Ավելացնել ընկերության տվյալները Google-ում»:
2. Մուտք գործեք գոյություն ունեցող կամ գրանցեք նոր Google հաշիվ:
3. Բացված էջում «Վերնագիր» դաշտում նշեք ձեր կազմակերպության ամբողջական անվանումը
- եթե բացվող ցուցակում դուք գտել եք ձեր ընկերությունը, ընտրեք այն (մնացած բոլոր տվյալները կքաշվեն) և սեղմեք «Շարունակել»:
- եթե ձեր ընկերությունը նշված չէ, սեղմեք «Հաջորդ» և լրացրեք բոլոր դաշտերը (ցանկալի է հայատառ):
4. Ավելացրեք սպասարկման տարածքի տվյալները՝
5. Ընտրեք անվանակարգ, որը առավել ճշգրիտ նկարագրում է ձեր գործունեությունը՝
6. Լրացրեք կոնտակտային տվյալները (կարելի է գրանցել նույնիսկ այն ընկերությունները, որոնք չունեն սեփական կայք. խոսքը Ֆեյսբուքի կամ Օդնոկլասնիկի մասին չէ):
7. Ստուգեք բոլոր մուտքագրված տվյալները և հաստատեք Google Իմ գործ հաշվի ստեղծումը:
8. Հետագայում կհայտնվի ընկերության հաստատման ձևը փոստով:
Նշված ֆիզիկական փոստային հասցեով կուղարկվի նամակ: Նամակը սովորաբար գալիս է հայտը ներկայացնելուց 1-2 շաբաթ անց:
Բիզնեսի որոշ տեսակների համար գոյություն ունեն տվյալների հաստատման այլընտրանքային եղանակներ (հեռախոսով, էլեկտրոնային փոստով կամ նույնիսկ Google Search Console-ի միջոցով): Ալգորիթմը, որով համակարգը ընտրում է ընկերության համար տվյալների հաստատման մեթոդը, բավականին խճճված է, նույն տեսակի բիզնեսի համար կարող են կիրառվել տարբեր եղանակներ: Բացի այդ, եթե ձեր ընկերությունը ունի ավելի քան 10 ներկայացուցչություններ, դրանք կարելի է հաստատել ցանկով:
Եթե դուք չեք ստացել նամակ 3-4 շաբաթվա ընթացքում, համարձակորեն կարող եք տեխնիկական աջակցությանը նամակ գրել «Նամակը չի եկել, ի՞նչ պետք է անեմ»: Google-ը կառաջարկի ձեռքով հաստատման գործընթաց անցնել:
Դրա համար անհրաժեշտ է ուղարկել մի քանի լուսանկար:
9. Դրանից հետո դուք կստանաք ձեր ընկերության անձնական գրասենյակ
«Տեղեկատվություն» էջում անհրաժեշտ է տրամադրել ձեր ընկերության մասին առավել ամբողջական տեղեկատվություն.
- ավելացրեք լրացուցիչ անվանակարգեր, որոնք համապատասխանում են ձեր գործունեությանը
- ավելացնել ձեր ընկերության նկարագրությունը
- նշեք աշխատանքային ժամերը
- ապրանքների եւ ծառայությունների վճարման եղանակները
- ավելացրեք լուսանկարներ և տեսանյութեր
- ինչպես նաև լրացուցիչ տեղեկություններ
Ընկերության նկարագրության մեջ աշխատեք հնարավորինս ճշգրիտ գրել, թե կոնկրետ որն է ձեր բիզնեսը. ինչ ապրանքներ կամ ծառայություններ եք առաջարկում:
Որքան ամբողջական և որակյալ տեղեկատվություն ներկայացվի ձեր ընկերության մասին, այնքան մեծ է հավանականությունը, որ այն կտեսնեն Google-ի օգտատերերը:
Նոր և օգտակար լայֆխակներ իմանալու համար բաժանորդագրվեք և եղեք ակտիվ:
Հաջորդ հոդվածում կներկայացնեմ ինչպես ավելացնել ընկերությունը Yandex քարտեզներում: