Belarus derbisiga aylangan hal qiluvchi final uchrashuvida dunyoning 12-raketkasi Arina Sobolenko hamda reytingning 14-pog'onasidan joy olgan Viktoriya Azarenko to'qnash kelishdi. Bir soatu 9 daqiqa davom etgan bahsda Arina tajribali vatandoshini mag'lubiyatga uchratdi - 6/2, 6/2.
O'zaro uchrashuvlarda Sobolenko hisobda oldinga chiqib oldi - 2:1. Arina mavsumdagi ikkinchi, faoliyatidagi ettinchi sovrinini qo'lga kiritdi. J&T Banka Ostrava Open turniridagi muvaffaqiyatli ishtirok Sobolenkoga $50,000 hamda 470 reyting ochkosini taqdim etdi. Azarenko esa $30,000 va 305 ochko ishlab oldi.
