Italiya A Seriyasi 5-turi doirasidagi e'tiborli uchrashuvlardan biri «Jyenoa» va «Inter» o‘rtasida kechdi.
Genuyada o‘tgan uchrashuvda Eldor Shomurodov o‘yinni asosiy tarkibda boshlamadi. Birinchi bo‘lim tengkurashlar ostida o‘tgan bo‘lsa, ikkinchi bo‘limning 64-daqiqasida milanliklar goleadori Romelu Lukaku hisobni ochdi – 0:1.
Lukakuning golidan bir daqiqa o‘tib, «Jyenoa» bosh murabbiyi 65-daqiqada Pyatsa o‘rniga Eldor Shomurodovni maydonga tushirdi.
Shunga qaramay, maydonda ustunlik qilgan Antonio Konte jamoasi 79-daqiqada D`Ambrozioning goli evaziga farqni ikkitaga oshirdi – 0:2.
Ushbu g‘alabadan keyin «Inter» 10 ochko bilan 3-o‘ringa chiqib olgan bo‘lsa, Shomurodov to‘p surayotgan «Jyenoa» 4 ochko bilan 15-o‘ringa tushdi.
A Seriya. 5-tur
Jyenoa – Inter 0:2
Gollar: 0:1 – 64 Lukaku, 0:2 – 79 D`Ambrozio.
Jyenoa – Perin, Gilone, Goldaniga, Sapata, Chiborra (Pellegrini, 46), Badel (Zayts, 61), Bexrami (Radovanovich, 61), Pyatsa (Eldor Shomurodov, 65), Rovella, Bani, Pandev.
Inter – Handanovich, D`Ambrozio, Ranokkiya, Bastoni, Darmian, Vidal, Perishich (Hakimi, 58), Brozovich, Eriksen (Barella, 58), Martines (Pinamonti, 72), Lukaku.
Ogohlantirish: Martines (40).
