Gvardiola “Barselona” so‘ragan futbolchini bermaydigan bo‘ldi
Kataloniya klubi o‘zi tarbiyalagan Erik Garsiyani ortga qaytarishga harakat qilmoqda. Yozgi transferlar vaqtida o‘z maqsadiga eriga olmagan Ronald Kuman yanvarda “Barsa”ga keladigan futbolchilar orasida Garsiyani ham ko‘rmoqchi.
Erik Garsiya asosiy tarkibda o‘ynashga qodirligini ko‘rsatganidan keyin Xosep Gvardiola himoyachi bilan xayrlashish fikridan qaytdi va klub rahbariyatini ispan futbolchisini jamoada olib qolish uchun yangi shartnoma tuzishga undamoqda.
19 yoshli himoyachining o‘zi yozda yurtiga qaytib “Barselona”ga qo‘shilishi istagi haqida klub xo‘jayinlarini ogohlantirgan edi. O‘shanda kataloniyaliklar transfer summasi borasida inglizlar bilan kelisha olmagandi.