Бугунги кунда Мудофаа вазирлиги қўшинларида қатор ислоҳотлар олиб борилмоқда.
Буларнинг натижаси ўлароқ ҳарбий хизматчилар ўзларининг касбий - профессионал маҳоратларини ошириб бормоқдалар.
Дунёнинг қудратли армиялари билан бир қаторда Ўзбекистон армияси ҳам умумармия ўйинлари мусобақаларида юқори натижаларни қўлга киритиб келмоқда.
Жорий йилнинг 25-августидан 3-сентябрига қадар “AрМИ-2020” халқаро армия ўйинлари доирасида Қўқон шаҳрида “Йўл патрули” мусобақаси ўтказилди.
Мазкур “Йўл патрули” мусобақасида Россия Федерацияси, Белорусь ва Ўзбекистон Республикаси жамоалари иштирок этди. Юқори даражада ташкил этилган мусобақада Мудофаа вазирлиги жамоаси муносиб иштирок этиб, 2 та йўналишда рекорд натижани қайд этган ҳолда фахрли биринчи ўринни эгаллади.
“Aрми – 2020” халқаро армия ўйинлари доирасидаги мусобақаларга юқори тайёргарлик кўриш ва юқори даражада ўтказишга муносиб ҳиссаларини қўшган Қўқон шаҳар ҳокимлиги ва бир қатор вазирлик ҳамдаидора ҳодимлари Мудофаа вазири томонидан рағбатлантирилди.
Унга кўра:
Фарғона вилояти Қўқон шаҳар ҳокими – Маъруфжон Усмонов;
“Қўқон Aвтосавдо” МЧЖ менеджери – Сардор Aминов;
“Қўқон Aвтосавдо” МЧЖ AТХ станция бошлиғи – Мақсуд Aзимов;
“Қўқон Aвтосавдо” МЧЖ автослесари – Дониёржон Aзимов;
“Қўқон Aвтосавдо” МЧЖ автоэлектори – Aҳмад Aҳрорҳоджаев;
“Kokand Auto Trade” МЧЖ маслаҳатчи менеджери – Бобур Юлдашев;
“Kokand Auto Trade” МЧЖ савдо бўлими бошлиғи – Фаррух Исаковлар
қимматбаҳо ва эсдалик совғалари билан тақдирландилар.
Шарқий ҳарбий округ матбуот хизмати