Bugun, 12-oktabrdan boshlab Samarqand davlat tibbiyot instituti bakalavriatini barcha yo‘nalishlari 1 kursiga qabul qilingan talabalarga o‘qish boshlandi.
Kirish haqida mandatni qo‘llariga kiritib talabalik baxtiga muyassar bo‘lgan bo‘lajan shifokorlar institutni barcha o‘quv binolarida darslarni o‘tishni boshladilar. Joylarda tashkil qilingan uchrashuvlarda har bir fakultet dekanlari va dekan o‘rinbosarlari talabalarga o‘zlarini sohasida qanday ishlar amalga oshirishi mumkin ekanligi, onlayn darslarni qanday o‘tish mumkin bo‘lishi va ularni qay darjada tashkil etilgani, institut kafedralari haqida ma’lumotlar berib o‘tdilar. Institutni har bir talabasi oliygohni nufuzi va bo‘lajak shifokorlik kasbidan faxrlanishi va unga munosib bo‘lishi alohida qayd etildi. Uchrashuv davomida talabalarga “SamMI YuNION” va “Talabalar ilmiy uyushmashi” haqida ham tushunchalar berildi, qiziqganlar ularga a’zo bo‘lishga shay bo‘ldi.
Talabalar uchun fakultet kesimida ularni katta kichikligiga qarab 2-3 kungacha darslar tashkil etiladi. Darslar jarayonida barcha klinik bazalar va dars bo‘lib o‘tadigan institut binolari tanishtiriladi.
Barcha uchrashuvlar karantin qoyidalariga va sanitar-gigiena talablariga qat’iyan rioya etgan sharti bilan o‘tkazilmoqda.
SamDTI bitiruvchi kurslar uchun o‘quv mashg‘ulotlari 10 oktabrdan buyon boshlanganligini qayd etish kerak. Boshqa kurs talabalari institutda mukammal yaratilgan elektron platforma orqali amalga oshirilmoqda.
SamDTI Matbuot xizmati