Адахан Кимсанбаевич Акаевге оппозиция болуп турганда журналисттер Куршабдагы атасынын үйүнө келип "Мадумаров машина алды деп уктук, көрсөтүңүзчү кандай машина экен"-деп жабышып туруп алышат. Адалсынган молдонун үйүнөн алты камандын башы чыгыптыр дегендей, тазамын деп жүргөн Мадумаровдун акчасы жетпей турган килейген жол тандабасын таап алып макала жазабыз деп даярданышкан го.
Кимсанбай ата жини келип эки жакка барса мине турган жалгыз велосипедди журналисттерге жетелеп чыгып "Өзүңөр билесиңер го Адахан айлык менен гана жашаган таза депутат экенин, көргүңөр келсе мына биздин үй-бүлө колдонгон машина" дептир.