Rossiyalik tennischi Darya Kasatkina musobaqadagi ishtirokini g'alaba bilan boshladi. Dunyoning 75-raketkasi bo'lib turgan Kasatkina turnirning ilk davrasida reytingning 19-pog'onasidan joy olgan qozog'istonlik Elena Ribakinadan ustun keldi - 6/2, 3/6, 6/3.
Uchrashuv 1 soatu 51 daqiqa davom etgan. Bu tennischilarning o'zaro ilk uchrashuvi edi. Endi 23 yoshli Darya J&T Banka Ostrava Open turnirining ikkinchi bosqichida amerikalik Jennifer Brediga qarshi kortga chiqadi.