Тил – ҳар бир миллатнинг беқиёс бойлиги, беназир қадрияти ва бебаҳо мулки ҳисобланади. Ҳар бир халқ, ҳар бир элат ўзи ҳурмат ва эҳтиром қиладиган тилига эга.
Мамлакатимизда барча соҳалар қатори ўзбек тили ривожланишига эътибор қаратилмоқда. Ўзбек тилига давлат тили мақоми берилганлигининг 31 йиллиги муносабати билан жойларда ўткизилаётган давра суҳбати, тадбирлар шулар жумласидан.
Ана шундай тадбирлардан бири сифатида Шарқий ҳарбий округнинг Наманган гарнизонидаги ҳарбий қисмда “Тил бор экан, миллат барҳаёт” шиори остида маънавий-маърифий тадбир бўлиб ўтди.
Бу тадбирдан кўзланган мақсад, армия ва халқ якдиллигини мустаҳкамлаш ҳамда ўзлигимизни англатиб турувчи она тилимиз барчамиз учун қанчалик муҳим эканлигини эътироф этишдир.
Тадбирда Поп туманидаги умумий ўрта таълим мактаби ўқитувчилари ҳамда ўқувчи ёшлар ўз чиқишлари билан иштирок этишди.
Тадбир сўнгида ҳарбий қисм мехмонларига эсдалик совғалари топширилди.
Шарқий ҳарбий округ матбуот хизмати