Бу ялларда шәһәребезнең 3нче мәктәбе залында әдәбиятыбыз классигы, күренекле драматург Таҗи Гыйззәтнең 125 еллыгы уңаеннан әдәби чара узды.
Анда драматургның оныклары Гүзәл һәм Гөлназ Казбек кызлары, Татарстан Язучылар берлеге рәисе Данил Салихов, язучы Амур Фәләх катнашты. Таҗи Гыйззәт исемендәге район бүләге ияләренә район Башлыгы Азат Рөстәм улы Вәлиев Рәхмәт хатлары тапшырды.
Быел мәртәбәле бүләккә лаек булган шагыйрә Наилә Харисованы Данил Хәбибрахман улы котлады. Үзәк китапханәнең Таҗи Гыйззәт иҗатына багышланган китап күргәзмәсен, район музее әзерләгән экспозицияне, мәктәп укучыларының рәсемнәрен дә кунаклар кызыксынып карадылар