Назарий эгаллаган билимларни амалиётда қўллаш мақсадида Фарғона гарнизони Қува туманида жойлашган харбий қисмларнинг бирида ҳарбий хизматчилар бир неча кунлик дала ўқув машғулотларида ўзларини чиниқтиришди. Гурухлар жанговор вазифаларни аниқ ва тезкор бажариш учун уларнинг амалий кўникмалари юқори даражада бўлишлари шарт.
Юрт посбонларининг режа асосидаги кундалик машғулотларини реал жанг шароитларига яқинлаштирган ҳолда инновацион отиш машқларини олиб боришди.
Такидлаб ўтиш жоизки бундай дала ўқув машғулотлари ватан ҳимоячиларининг кучига куч, ғайратига ғайрат, шижоатига шижоат қўшади.
Дала ўқув майдонида қайтадан таъмирдан чиқарилган ва жаҳон стандартларига мос келувчи янги қурилган махсус отиш майдончасида истехкомларни алмаштирган холда бир бирини ҳимоя қилиб отиш машқларини жадал равишда олиб боришмоқда. Бўлинмалар вазифаларни аниқлик билан бажариб ўз тезкорлигини синовдан ўтказдилар.
Дархақиқат проффесионал армия барпо этишда ва жанговар шайликни оширишда бундай дала ўқув машғулотлари мухим аҳамият касб этади. Шарқий харбий округининг ана шундай машғулотлари хосиласи нафақат Мудофаа вазирлиги тизимида ўтказиладиган мусобақаларда, балки халқаро майдонларда хам намоён бўлмоқда. Ижодий гурухимиз билан харбий қисмга ташриф буюрганимизда бунинг гувохи бўлдик. Армия 2020 ўйнлари ғолибларини муносиб кутиб олиш жараёнига гувох бўлдик. Харбий қисмдан олти нафар мард жасур ўғлонлар Ўзбекистон қуролли кучлари терма жамоасида сафида қатнашиб фахрли иккинчи ўринни эгаллашди. Мудофаа вазирлигида ўтқазилган ғолибларни тақдирлаш маросимида қатнашчиларга Президентимиз Қуролли Кучлар Олий Бош Қўмондони қиматбахо совғалар, махсус қўл соати топширилган бўлса, Мудофаа вазири Баходир Қурбонов томонидан эса намунали хизматлари кўкрак нишони хамда навбатдаги унвонлар билан муддатидан олдин топширилиши юрт посбонларига берилган юксак этибор ва этирофдир. Кундан кунга тезкорликни талаб қилувчи машғулотлар ўтқазилиши давом этмоқда.
Шарқий ҳарбий округ матбуот хизмати