Путинга "туры линия"ләр вакытында да журналистлар гаиләсе хакында сораулар бирештерде. 2017 елда, мисал өчен, ул икенче оныгы тууы, ә беренчесе балалар бакчасына йөрүе турында әйткән иде. 2019 елның декабрендәге матбугат конференциясе вакытында Президенттан кызларының нинди бизнес белән шөгыльләнүе хакында сорау бирүчеләр булды, тик ул үзенә генә хас тактлылык белән әлеге сорауга туры җавап бирми калды.
Быел җәй "Русия. Кремль. Путин" программасында илебез җитәкчесе оныклары белән мөнәсәбәтләре хакында бәян итте. "Мин бик бәхетле: оныкларым бар. Мин аларны сөеп туймыйм. Алар белән аралашудан зур канәгатьлек табам," - диде ул. Путин оныкларының үзен бик ихтирам итүе белән горурлануын белдерде. "Кирәк булса, алар миңа Кремльгә турыга шалтырата", - диде Президент.
Ә менә Президент өйләнгәнме-юкмы, бу хакта мәгълүмат юк. Көнбатышта гына гаилә хәлләре хакында сөйләргә яраталар, ә бездә мондый театр кирәкми. "Халык минем өчен, минем Президент вазыйфасын биләвем белән илнең киләчәгенә якты өметләрен бәйләве өчен тавыш бирә, ә минем гаиләм өчен түгел. Аннары, хәвефсезлек таләпләре буенча да бу хакта артык мәгълүмат бирү кирәкми", - дип җавап биргән Путин бу юлы.