Նոր ԱԹՍ Ադրբեջանի սպառազինության մեջ

«Военный Обозреватель» տելեգրամյան ալիքը հայտնում է, որ Ադրբեջանի օդային տարածքից Վրաստանի տարածք եկած թուրքական արտադրության TAI Anka-S հետախուզական-հարվածային անօդաչու թռչող սարք է նկատվել:

2020թ. հուլիսի 22-ին artsakhnow.am-ի նյութում հայտնել էինք, որ հենց այս տիպի անօդաչու թռչող սարք է Թուրքիան ծրագրում Բաքու ուղարկել, քանզի նման սարքերի արտադրությունը կախված չէ արտասահմանյան դետալների և բաղադրիչների մատակարարումից:

Ըստ ԱԹՍ-ի տեխնիկատակտիկական բնութագրի` Anka-S-ը ի վիճակի է իրականացնել հետախուզություն, հետևել թիրախներին, լուսանկարել և SAR ռադիոլոկատորի միջոցով առաջացնել կապի խափանումներ և արգելափակումներ: Բացի սինթետիկ բացվածքային ռադարից, ԱԹՍ-ն ունի ևս մեկ օգտակար բեռ՝ տեսախցիկներ և հրետանային կայանքներին և հրթիռային համակարգերին ազդանշաններ փոխանցելու համակարգ:

Էդուարդ Առաքելյան

http://www.artsakhnow.am/%d5%b6%d5%b8%d6%80-%d5%a1%d5%a9%d5%bd-%d5%a1%d5%a4%d6%80%d5%a2%d5%a5%d5%bb%d5%a1%d5%b6%d5%ab-%d5%bd%d5%ba%d5%a1%d5%bc%d5%a1%d5%a6%d5%ab%d5%b6%d5%b8%d6%82%d5%a9%d5%b5%d5%a1%d5%b6-%d5%b4%d5%a5%d5%bb/