2020թ. սեպտեմբերի 2-ին իր պաշտոնավարման 100 օրվա կապակցությամբ Արայիկ Հարությունյանը հրավիրած մամլո ասուլիսում նշել է, որ 2022թ.-ի հունվարի 1-ից Արցախում հեռահաղորդակցության ոլորտում կապի գները կհավասարեցվեն հայաստանյան գներին: Նա նշել է, որ նամակով դիմել է կապի հայաստանյան երեք օպերատորներին, որպեսզի վերջիններս գործունեություն ծավալեն Արցախում: Սակայն մերժում են ստացել: Ըստ նախագահի` Ղարաբաղ Տելեկոմի մասնագետները այս գիշեր գործարկելու են նոր կայաններ: Վաղվանից սկսած, 7-օրյա ժամկետում ունենալու ենք 3G համակարգ, իսկ մյուս տարվանից Ստեփանակերտում նաև 4G համակարգ: 2021թ. սպասվում է կապի գների էական նվազեցում, իսկ 2022թ. հունվարի 1-ից արցախյան գները չեն տարբերվի հայաստանյան գներից:
http://www.artsakhnow.am/2022%d5%a9-%d5%ab-%d5%b0%d5%b8%d6%82%d5%b6%d5%be%d5%a1%d6%80%d5%ab-1-%d5%ab%d6%81-%d5%a1%d6%80%d6%81%d5%a1%d5%ad%d5%b8%d6%82%d5%b4-%d5%af%d5%a1%d5%ba%d5%ab-%d5%a3%d5%b6%d5%a5%d6%80%d5%a8-%d5%af%d5%b0/