Սամվել Բաբայանը կպայքարի այլասերվածների դեմ

Արցախի Անվտանգության խորհրդի քարտուղար Սամվել Բաբայանի հետ հանդիպմանը ՀՅԴ Երիտասարդական միության ներկայացուցիչը հետաքրքվեց, թե ինչպե՞ս կարող են Արցախը զերծ պահել այնպիսի ներթափանցումներից, ինչպիսիք են այլասերված մարզիկի կյանքը նկարագրող ֆիլմի հովանավորումը, ՀՀ ԿԳՄՍ նախարարության ներկայացրած նոր չափորոշիչները և այլն: Վերջինս նաև նշեց, որ իրենք տեղյակ են Սամվել Բաբայանի՝ նմանատիպ երևույթների դեմ ակտիվ պայքարի մասին:

«Վստահ եղեք, դա չի կարող ներթափանցի Արցախ: Մենք նախագահի հետ հստակ պայմանավորվածություն ունենք և մի տեսակետի ենք այդ հարցում: Որևիցե բան չի լինելու: Ինչ է Հայաստանը ընդունում, ոնց է անում, Հայաստանը կարող է տարբեր գրանտների հաշվին ինքը ինչ-որ բաներ մտցնի, գրանտներ ստանալու համար, բայց Արցախը չի կարող մտցնել, վստահ կարող եք լինել: Անվտանգության խորհորդում մշակվում է ծրագիր պետության համար, ամբողջովին վերափոխելու, վերանայելու: Մի խոսքով, ամեն ինչ նորմալ է լինելու, մտահոգվելու ոչինչ չկա»,-նշել է Սամվել Բաբայանը:

Նա նշեց, որ պառլամենտում ընդգրկված կուսակցություններն այդպիսի հարցերում պետք է սկզբունքային դիրքորոշում ունենան:

Սամվել Բաբայանն առաջարկեց ցանկացողներին միանալ և իրենց մասնակցությունը ունենալ այդ գործում:

Ալյոնա Հայրապետյան

http://www.artsakhnow.am/%d5%bd%d5%a1%d5%b4%d5%be%d5%a5%d5%ac-%d5%a2%d5%a1%d5%a2%d5%a1%d5%b5%d5%a1%d5%b6%d5%a8-%d5%af%d5%ba%d5%a1%d5%b5%d6%84%d5%a1%d6%80%d5%ab-%d5%a1%d5%b5%d5%ac%d5%a1%d5%bd%d5%a5%d6%80%d5%be%d5%a1%d5%ae/