ՊԲ պահեստազորի սպաները դեռ բնակարանի են սպասում

2019 թվականի օգոստոսին, ՀՀ վարչապետ Նիկոլ Փաշինյանը հայտնել էր, որ ՀՀ կառավարությունը 2,9 միլիարդ դրամի չափով աջակցություն կտրամադրի Արցախին՝ ՊԲ զինվորական թոշակառուների բնակարանային խնդիրները լուծելու համար։

Artsakhnow.am-ը փորձել է պարզել, թե ինչ փուլում է գտնվում ծրագիրն այս պահին։

Ի՞նչ ձևաչափով է իրականացվել զինվորական թոշակառուների բնակարանային խնդիրների լուծման համար նախատեսված ծրագիրը: ՊԲ ներկայացուցիչ Սուրեն Սարումյանը մեզ հետ զրույցում նշել է, որ այն զինթոշակառուները, ովքեր բնակարաններ պետք է ստանան Ստեփանակերտում, կապահովվեն բնակարաններով Ստեփանակերտում, իսկ մյուսներին տրվելու է բնակարանի գնման վկայագիր, որի արժեքը շուկայական գներից ավելի բարձր է, այսինքն, ձեռքբերման որևէ դժվարություն չի առաջանա։Ծրագրի ավարտման ժամկետի հետ կապված ՊԲ ներկայացուցիչը պատասխանեց, որ  երկրի նախագահը բազմիցս նշել էր, որ մինչև 2023 թ․ այդ խնդիրը լուծվելու է, և այդտեղ մեկնաբանելու բան չկա։

Պահեստազորի սպայի խոսքով, ով պետք է բնակարան ստանա Ստեփանակերտում, խոստացել են, որ միչև 2022 թ․ ապահովելու են բնակարաններով՝ նորակառույց բազմահարկ շենքերում, որը նախատեսված է հարյուր քառասունչորս թոշակառու սպայական ընտանիքների համար։

Պահեստազորի մեկ այլ սպայի խոսքով,  այս պահի դրությամբ շրջաններում գրանցված պահեստազորի սպաներից քսաներեքը ստացել են բնակարանների գնման վկայագրեր։ Ըստ մեր զրուցակցի կողմից հայտնած տվյալների` Շուշի քաղաքում բնակարանի/տան 1 ք/մ-ի համար տրվում է 160 հազար ՀՀ դրամ, իսկ մյուս շրջանների համար 1 մետր քառակուսին` 100 հազար ՀՀ դրամ։

Լուսանկարը` 16.02.2016թ, Մատաղիսի զինվորական ավան

Քրիստինա Ալահվերդյան

http://www.artsakhnow.am/%d5%ba%d5%a2-%d5%ba%d5%a1%d5%b0%d5%a5%d5%bd%d5%bf%d5%a1%d5%a6%d5%b8%d6%80%d5%ab-%d5%bd%d5%ba%d5%a1%d5%b6%d5%a5%d6%80%d5%a8-%d5%a4%d5%a5%d5%bc-%d5%a2%d5%b6%d5%a1%d5%af%d5%a1%d6%80%d5%a1%d5%b6%d5%ab/