COVID-19 վարակել է աշխարհի գրեթե բոլոր երկրները, բացառությամբ 10 երկրների։ Այս մասին նյութ է հրապարակել BBC-ն:
Այդ երկրներն Ավստրալիայի հյուսիսային և հյուսիս-արևելյան կղզային պետություններն են․
- Պալաու,
- Միկրոնեզիա,
- Մարշալյան կղզիներ,
- Նաուրու,
- Կիրիբատի,
- Սողոմոնյան կղզիներ,
- Տուվալու,
- Սամոա,
- Վանուատու,
- Տոնգա։
Թեկուզ այս երկրներին հաջողվել է խուսափել թագավարակից, սակայն համավարակը թողել է իր բացասական ազդեցությունը։ Պալաուի The Palau Hotel-ը հայտնվել է փակման եզրին։ Մինչև համավարակը, մասնավորապես 2019 թվականին, Պալաու էր այցելել մոտ 90 հազար զբոսաշրջիկ, որը երկրի բնակչության ընդհանուր թվից հինգ անգամ ավելի է։ Այժմ Պալաուի սահմանները փակ են։ Հյուրանոցը փակ է մարտ ամսից։ Ռեստորանները դատարկ են, հուշանվերների խանութները՝ փակված։
Մարշալյան կղզիները, որտեղ նույնպես վարակի հաստատված դեպք չի գրանցվել, զերծ չի մնացել համավարակի բացասական ազդեցությունից։ մինչև համավարակը The Hotel Robert Reimers-ում 37 սենյակների 75-88 տոկոսը մշտապես զբաղեցված էին զբոսաշրջիկներով։ Այժմ այդ թիվը կազմում է 3-5 տոկոս։ Սպասվում է, որ 700 աշխատողներ կկորցնեն իրենց աշխատանքը։
Նմանատիպ իրավիճակում է հայտնվել նաև Վանուատուն։
Միակ բանը, որ մնում է անել այս երկրներին, նույնպես վիրուսի դեմ պատվաստանյութին սպասելն է։
http://www.artsakhnow.am/10-%d5%a5%d6%80%d5%af%d6%80%d5%b6%d5%a5%d6%80-%d5%b8%d6%80%d5%b8%d5%b6%d6%84-%d5%a6%d5%a5%d6%80%d5%ae-%d5%a5%d5%b6-%d5%b4%d5%b6%d5%a1%d6%81%d5%a5%d5%ac-%d5%af%d5%b8%d6%80%d5%b8%d5%b6%d5%a1%d5%be/