O’zingiz yoki yaqinlaringizda korona virusi aniqlangan va ayni kunlarda tuzalgan yoki tuzalaytogan bo’lsangiz . Korona virusi haqidagi habarlar va ma’lumotlarni eshitishni to’xtating.
O’rta va og’ir kasallanganlar ozmi - ko’pmi vaximaga tushgan. Ularda qaysidir ma’noda depressiya alomatlari bor. Karantin avvalida kelgan qo’rqinchli rasmlar, videolar endilikda real hayotimizda boshlanib ketdi.
Hozir hamma virusning 2 - to’lqini haqida, virusning o’pkaga ta’siri va keyinchalik tuzalganlarda qanday holatlar bo’lishi mumkinligi to’g’risida yozadi, gapiradi va ko’rsatadi.
Uning ustiga hozir dunyoning turli xil ilmiy tadqiqot institutlari korona virusi bilan bog’liq izlanishlarga qattiq kirishishgan. Sababi, korona virusi masalasiga katta pullar ajratilmoqda. Ushbu grantlarni yutish uchun ham katta “ov” lar boshlangan. Masalaning yana bir jihati shundaki, virus yangi mavzu uning ochilmagan sirlari ko’p. Kichik o’rganishlar qilib “professor” bo’lib olish imkoniyati bor. Ya’ni olimlarning ichida ham blogerlar tilida aytganda “hayp” ga ergashuvchilar afsuski topiladi.
Hozir hamma sohda tartibsizlik. Kimdir kasal, kimdir o’lib ketyapti, kimgadir nafas yetishmayapti. Ofat paytida hotirjamlikni saqlab qolish muhim masala. Shuning uchun oldi - qochdi habarlarni o’qishni, gapirishni va tarqatishni to’xtatishimiz ma’qul.
Ko’proq duo, imunitetni ko’tarish va sport bilan shug’illanishga harakat qilish kerak. O’ziga tavakkal o’ziga omonat.
Kamoliddin Hotirjam nafs << BBBB - Biz bahorga birga boramiz >>>
