Во время оно, живяше Нифъ–Нифъ, иже отъ свиний бе, и два брата его живяста съ нимъ, еюже имени беста Нафъ-Нафъ и Нуфъ-Нуфъ, яко же и братъ их свиниама беста.
Нифъ-Нифъ и Нафъ-Нафъ юродиви беста,Нуф-Нуфъ же бе свинъ, премудрости исполненъ.
Живущымъ же имъ во стране добрей,идеже ядоша былие травное и отъ пчелъ сотъ,ни въ чемъ же имущымъ нужды,совещашася, глаголюще:
«Яко мы, добрiи свинiи, живуще во стране добрей, не имамы нужды, обаче несть намъ идеже вселити ближних нашихъ, и вся имения наша. Возрастъ же имамы пояти себе женъ и родити сыновъ и дщерей, крова же несть, ни ночлега, ни престола домовъ нашихъ.
Сотворимъ же себе три кущи доблихъ, идеже вселимся съ женами и чадами нашими и всемъ имениемъ нашимъ».
И бысть распря въ братии,яко глагола кийждо сотворити храмину себе по желанию своему.И не возмогоша решити, како подобаетъ творити домы своя,и кийждо, исшедъ, сотвори я, яко же размышляше въ себе.
Сотвори же Нифъ-Нифъ кущу из плевелъ,Нафъ-Нафъ из хврастия,а Нуфъ-Нуфъ из камене сотвори домъ.
И бысть, внегда почиваху свинии сии на ложахъ своихъ подъ кровлями храминъ своихъ,приде въ землю ту волкъ и рече:
"Ищу расхитити имения, егоже не собирахъ! Хощу пояти отъ скота, егоже не пасохъ и не воздоихъ!"
И уведе о прасяхъ сихъ, рече въ себе: "Зело хощу поясти я!"
Пришедъ же Волкъ въ варъ дневный къ дому плевелному,въ немъже почиваше Нифъ-Нифъ, не размышляя страха смертнаго, грядуща къ нему,дхну зело крепко на плевелы дома Нифъ-Нифова,и сотрясошася стены дому того и рухнуша, яко не имеша основания на камени, вся же из плевелъ беша.
Внегда же сокрушахуся стены дома, Нифъ-Нифъ, восстав отъ сна, рече:
«О, горе мне, яко не послушахъ увещаний братии моихъ, рекшихъ ми, яко не подобаетъ творити дома из плевелъ! Азъ же по неразумию моему сотвори сие, и чесо вижду и камо гряду ныне?»
Уже отверзшу волку пасть свою на прася,потече оный свинъ въ пределъ брата своего Нафъ-Нафа,и волкъ гнаше его съ зажди.
И воста Наф-Нафъ от ложа своего, яко услыша толкуща брата, отверзе.Вшедъ же въ горницу, возгласи Ниф-Нифъ гласомъ велиимъ:
«Увы мне! Яко волкъ лукавый пришедъ, разори имение мое плевельное и ныне грядетъ по мне, ища пожрати мя!»
И рече ему Нафъъ-Нафъ:
«Пришелъ ты еси ко мне погубити и мя съ собою? Но не ужасайся же, яко несть изъ плевелъ домъ мой и не возможетъ волкъ зде яти ны».
Еще же глаголющема има, приде волкъ, грядый въ следъ Нифъ-Нифа,обрете домъ, из хврастия сложенъ.И разуме, яко два прасяту сокрываются въ немъ,паче озлобися и взалка,дхну зело на домъ из хврастия, и пошатнуся тотъ.И дхну паки, и сотрясошася стены, и рухну домъ, яко же и домъ Нифъ-Нифовъ.
И объятъ страхъ велий свинии та,и излезоста из хврастяна дома,бежаста отъ волка въ пределъ Нуфъ-Нуфовъ,весьма вопяста, и хрюкаста, яко свинии беста.
Услыша Нуфъ-Нуфъ шумъ, егоже устрои братия его бегущи,изыде во сретение има.зело ужаснуся и рече:
«Чесо убо неподобное творита? Еста ли вы буйи, да бежита от волка? Должно вама сидети въ домахъ вашихъ, егда придет волкъ!»
Она же отвещаста ему:
"Не оградиста ны домы наша отъ волка, разрушистася! Бегство сотвориста и силъ уже не имата сокрыватися отъ него".
И рече Нуфъ-Нуфъ:
«Внидете же подъ кровъ дома моего!».
Внегда же внидоша свинии въ домъ и затворишася двери дома Нуфъ-Нуфова,приде къ дому волкъ, взалкавъ зело, ярости преисполненъ:
"Желаю пожрати поросей сихъ!"
Не размышляше въ себе, яко домъ сей изъ каменъ сложенъ,дхну на него, и ничесоже бысть стенамъ дома,
Волкъ возгласи: "Паки и паки дхну!"
Разуме же, яко не тако подобаетъ поимати прасятъ, въ доме семъ таящихся,влезе на кровлю дому сего, мняше пролезти въ дымоходъ пещи огненныя,юже устрои Нуфъ-Нуфъ въ дому своемъ да согреетъ та вся ближняя его.
И услышаша прасята - Волкъ, яко змий полезе въ дымоходъ!
И сотвориша очагъ въ пещи,и огнь возгоревся, умори волка,той бо просуну носъ свой въ пещь и застря, яко Виний Пухъ,
И воскликнуша свинии: "Бе же волкъ зело упитанъ!"
И возрадовашася свинии объ избавлении отъ волка хищна, и воспеша песнь, и взыграша въ тимпаны и гусли!
Читайте также: "Паки... Иже херувимы!" Диалог Ивана Грозного и режиссёра Якина. Перевод филолога