222-ші Қара пайым-сөз: Мен келдім ағайын, Сіздер дайын болсаңыздар, жазбаларымды жалғастырайын...

Осы уақытқа дейін, ойыма келген тақырыпты немесе сіздер аузыма салған сөз төңірегінде жазып жүрдім. Бірақ бұл жазбаларымда ешқандай да белгілі бір мақсат-мүдде болған жоқ. Жәй, әншейін, сағыздай созылған карантинде уақыт өлтіру үшін жазып жүрдім. Соған қарамастан жазбаларыма қызығушылық танытып, пікірлеріңізді білдіріп, «лайк» қоюдан шаршаған жоқсыздар. Бұл үшін Сіздерге үлкен рахмет. Ойпырым-ай, менің де жазғандарымды халық қызығып оқиды екен-ау деп таң қалып жүргенде, жылт-жылт етіп бір ой келе берді. Мен бұл тақырыпты болашақта бір кітап қылып жазбақшы едім. Ол ойымнан айныдым. Ең дұрысы ойларымды қысқа-қысқа жазба қылып жазғаным дұрыс екен. Сіздерден кешірім өтініп «тайм-аут» алып, шығармашылық демалысқа кеткеніме де бір ай уақыт болыпты. Осы уақыт ішінде дене қызуым көтеріліп, күркілдеп жөтеліп, қақалып-шашалып, кәдімгідей бір ауырып тұрдым, қызметімнен келген көп жұмысты бітірдім. Сөйтіп жүріп Сіздердің талқылауларыңызға ұсынатын жазбаның да бас-аяғын құрадым. «Бұрынғы әнім басқаша, бұл әнім тіпті басқаша» демекші, бұл жазбаларым Сіздерге ұнауы тиіс деп ойлаймын. Қысқасы, Айжарық Ерали, Айт-Ман Нұржан, Аманжол Мейрманов, Ахмет Өмірзақ, Батырболат Айтболатұлы, Бекжан Сулейменов, Берик Беришев, Gaziz Jumabecov, Дидар Бегалиев, Ерсайын Жапаков, Жумабай Кулиев, Каппар Сейдалиев, Кульжапбаров Кулипхан, Qairat Saq, Қойшыбай Алпысов, Каппар Сейдалиев, Қойшыбай Алпысов, Мағжан Жұмабай, Максат Омарбеков, Нұрлан Алтай, Тоқтасын Қуандық, Токберген Байтасов, Айтжанова Айбарша, Ақнұр Есентұр, Ардагуль Токушева, Гүлжанат Алдибек, Karlygash Issina, Karshiga Alimgazina, Kulpara Zhumagali, Karshiga Alimgazina, Ляззат Инсенова, Ляззат Мажитова, Майра Гумарова, Мариям Бегеманова, Маханова Толганай, Нурсауле Алтекова, Raushan Kurmangalieva, Риза Алмуханова, Сауле Сейдулла, Ұлпан Такенова және т.т. оқырмандарым, барлықтарыңызды да, қазақ халқының бүгінгі көкейкесті тыныс-тіршілігі туралы жазылып, алдағы уақытта бірте-бірте жарияланатын жазбаларымды талқылауға шақырамын.