Қанша дегенмен биыл адам өміріндегі ең қауіпті 6-шы мүшел жаста (72-73 жас арасы) болған соң, қазақтың «Тоғыс есебі» күнтізбесін бірігіп қалпына келтірген Австралияның ғалымы Питер Мейерге https://www.hermetic.ch/knc/knc.htm алдыңғы күні қал-жағдайын білмек болып хат жазған едім. Бүгін хатыма былай деп жауап қайтарыпты: 1) «Regarding my health, I'm quite OK. Hope the same for you and your family» (Денсаулығыма қатысты айтарым – жақсымын. Сізге және сіздің отбасыңызға да соны тілеймін); 2) «Sad to say, it ["Togys esebi"] is not yet fully restored» (Өкінішке орай, ол [«Тоғыс есебі»] әлі толық қалпына келтірілген жоқ); 3) «I am traveling in the Balkans. It is very depressing to see everyone wearing a face mask. Masks are useless. It's all about control of people. That's not hard. Most people are sheep» (Мен Балқан түбегінде саяхаттап жүрмін. Адамдардың бәрі бет перде киіп жүргендерін көру өте өкінішті. Бет перденің пайдасы жоқ. Барлық мәселе адамдарды бақылауда ұстауда болып тұр. Бұл аса қиын емес. Көпшілік адамдар – қой сияқты). Regards, Peter (Құрметпен Питер). Бұл еврей шал әлемнің қай түкпірінде жүрсе де, қазақтың «Тоғыс есебі» туралы ойланып жүретініне разы болып «Питер, отпен ойнама, бетперди киіп жүр, хатыңның соңғы сөйлемдеріне түсініктеме жазшы, түсінбедім» деп жауап хат жазып жөнелттім. Содан ойланып отырған жайым бар. Біздің миғұла мемлекетіміз «Тоғыс есебі» күнтізбесінің маңызын түсінбейтін «топастығын» танытып жүрсе де, менің тауым шағылмай, жақсылықтан үміттеніп жүруіме, талай ғылымның құпиясын жетік меңгерген Питердің қазақтың көне ғылымының қамын жеп, алаңдаушылық танытып жүруі, әрдайым күш-қуат беріп отыратыны шындық.