Татарстан Республикасы мөселманнары Диния нәзарәтенең баш казый Җәлил хәзрәт Фазлыев җитәкчелегендәге рәсми делегациясе Россиянең Азия өлеше мөселманнары Диния Нәзарәте рәисе Нәфигулла хәзрәт Аширов чакыруы буенча РАӨ МДН V Хисап-сайлау Съезды эшендә катнашу өчен Омскига килде.
Бу сьезд үз алдында төп мәсъәлә итеп: дин кардәшлелеге, Ислам диненең, бугенге тормыштагы урыны, радикализмның көчәюенә ничек каршы торырга, дигән сорауларга җавап табырга тырышты.
Җәлил хәзрәт Фазлыев бу турыда мондый сүзләр әйтте: «Буген без чиктән чыкмаска, уңга да, сулга да чыкмаска, уртадан барырга тиеш. Ни өчен халыкны үз артыбыздан ияртә алмыйбыз? Моның сәбәбе үз мәнфәгатьләребезне дин мәнфәгатьләреннән өстен куюда. Безгә бүген бердәмлек, бер-беребезнең хезмәтен күреп бетерү, бер-беребезне бәяләү, хөрмәт итү җитми», - диде ул.
Аның сүзләренчә, әгәр без берләшә алмасак, бер-беребезне хөрмәт итәргә өйрәнмәсәк, бер-беребез белән эшли алмасак, ул (радикаллашу) булачак, барачак. Чөнки игътибар кешеләр белән эшләүгә түгел, ә читкә юнәлә.