25 декабрьдә Идел буе дәүләт физик культура, спорт һәм туризм академиясенең «Академия» концертлар залында «Ел спортчысы-2020» тантаналы чарасы узды.
Спортта зур уңышларга ирешкән спортчыларны һәм аларның барысын да котлауда Татарстан Республикасы премьер-министры Алексей Песошин, Россиянең синхрон йөзү федерациясе вице-президенты Ольга Павлова, РФ Дәүләт Думасы депутаты, ТР Олимпия Советы рәисе Марат Бариев, Татарстан Республикасы спорт министры Владимир Леонов, башкалар катнашты.
Саба муниципаль районы башлыгы Рәис Нургали улы Минңеханов “Физкультура-сәламәтләндерү эшенең куелышы буенча иң яхшы авыл районы” һәм «Спорт резервын әзерләү һәм спортның база олимпия төрләрен үстерү буенча Татарстан Республикасының иң яхшы авыл районы» номинацияләрендә (30-55 мең кеше яшәгән районнар арасында) бүләкләнде. Рәис Миңнеханов шулай ук “Шәхси үрнәк” номинациясендә дә җиңүче булды.