Իտալական <<Նապոլի>>-ի գլխավոր մարզիչ Ջենարո Գատուզոն տառապում է մի հիվանդությամբ, որը անվանվում է միասթենիա գրավիս կամ այլ կերպ մկանաթուլություն։ Մասնավորապես սա հիվանդություն է, որը երկար ժամանակ ախտահանում է մարդու կմախքային մկանները և ավելի հաճախ ախտահանվում են դեմքի մկանները։ Գատուզոն Թորինոյի հետ հետխաղյա մամլո ասուլիսի ժամանակ խոսել է իր հիվանդության մասին, մասնավորապես նշելով`
<<-Կխոստովանեմ, ես ինքս ինձ նման չէի այս 12 օրվա ընթացքում, խոսքս հղում եմ բոլորին, հատկապես երեխաներին, ովքեր նայում են իրենց հայելու մեջ և տեսնում են ինչ-որ անհասկանալի կամ արտասովոր բան, կյանքը հիասքանչ է, ուղղակի ընդունեք դա>>։
Ֆուտբոլիստների համար նույնպես բարդ էր, երբ նրանք ինձ տեսան այսպես, սակայն ես այս հիվանդության հետ ապրում եմ արդեն 10 տարի և սա արդեն երրորդ դեպքն է, երբ այս հիվանդությունը ներխուժում է իմ կյանք նման դաժան ձևով։ Սա ոչ միայն արտասովոր է երևում, այլ նաև ուժասպառ է անում, սրան կդիմանային միայն այնպիսի խելագարները ինչպիսին ես եմ։ Բայց սա իմ կյանքն է, եղել են և ավելի վատ դեպքեր։ Տեղյակ եմ, որ ոմանք տարածում են խոսակցություններ, թե ինձ մնացել է ապրելու ընդամենը մեկ ամիս, սակայն բոլորին հավաստիացնում եմ, որ ամեն-ինչ նորմալ է և ամեն-ինչ շուտով կկարգավորվի, իսկ երբ ես իսկապես մահանամ կցանկանամ հայտնվել այնտեղ, որտեղ ապրում էի` ֆուտբոլային խաղադաշտում։ Գատուզոյի խոսքերն է մեջբերում Football Italia-ն։
Հիշեցնենք, որ Ա Սերիայի 14-րդ տուրում, <<Նապոլին>> տանը` 1-1 հաշվով ոչ-ոքի խաղաց <<Տորինո>>-ի հետ։ Նապոլին 13 խաղից վաստակել է 25 միավոր և 5-րդն է, սակայն մեկ խաղ պակաս է անցկացրել 4-րդ հորիզոնականում գտնվող <<Սասուոլո>-ից, որն ունի 26 միավոր։