Чарговы дзень падпісчыка прайшоў у раённым вузле паштовай сувязі РУП “Белпошта”.
Рэдакцыя газеты ўдзячна ўсім, хто наведаўся ў гэты дзень на цэнтральнае паштовае аддзяленне, падпісаўся на нашу газету і паўдзельнічаў у розыгрышы прызоў ад раённай газеты “Светлы шлях”.
Усяго падчас правядзення дня падпісчыка на нашу газету падпісаліся 13 чалавек. Трое з іх сталі шчасліўчыкамі, якія выйгралі падарункі, а двое атрымалі заахвочвальныя прызы. Прыемна, што сярод самых удачлівых нашы пастаянныя і шматгадовыя падпісчыкі: Д. Раманюк, А. Шайноўскі, Н. Шайноўская, Я. Лось. Суцяшальныя прызы чакаюць В. Самаркіну і Л. Конахаву.