Колтуктун тердөөсү менен андагы жагымсыз жыт адамдын өзүнө болгон ишенимдүүлүгүн жоготот. Андан кутулуу үчүн кымбат дезодорант менен түрдүү атырлардын жардамына таянабыз. Бирок, бул нерселер убактылуу гана жардам берет. Ал эми түбөлүккө кутулгуңуз келсе, анда төмөндөгү кеңештерди ишке ашырып көрүңүз.
1. 1 чай кашык бор кычкылын 1 куту тальк менен (балдарга арналган) аралаштырасыз. Күнүнө 2 жолу ушул упаны колтугуңузга сээп жүрүңүз. Натыйжасын көп убакыт өтпөй эле байкайсыз.
2. 3-4 гранула марганцовканы 1 стакан кайнатылган жылуу суу менен аралаштырыңыз. Ушул суу менен күнүнө 3-4 жолу колтугуңузду жууйсуз. Бул эритинди колтуктун тердөөсүн токтотот, жагымсыз жытты жок кылат жана түктөрдү кетирет. Дарылоону үзбөй 2 жума жасайсыз.
3. 100 мл жылуу сууга 1 чай кашык аш содасын аралаштырасыз. Ушул эритиндини колтугуңуздун айланасына сүйкөйсүз. Дарылоону күнүнө беш жолу кайталаңыз. Аш содасы колтуктун тердегенин токтотот, ары түктүн өсүшүнө бөгөт коёт.
4. Лимон жагымсыз жыт жараткан бактерияларды өлтүрөт. Андан кутулуу үчүн 1-2 тамчы лимон ширесин колтугуңузга сүйкөйсүз. Бир нече мүнөттөн кийин нымдуу сүлгү менен аарчыйсыз. Ал эми лимон ширеси менен сууну аралаштырып, дезодорант катары сээп жүрсөңүз да оң натыйжага жетесиз.
5. 1 чай кашык майдаланган петрушканы 1 стакан кайнаган сууга салып, 5 мүнөт кайнатасыз. Муздагандан кийин сүзүп алып, колтугуңузду сүртөсүз. Петрушканын курамындагы антибактерия жагымсыз жыт менен күрөшөт.
6. 1 литр сууга 3 аш кашык алма уксусун аралаштырыңыз. Душтан чыккандан кийин ушул эритинди менен колтугуңузду сүртөсүз. Кургаганча күтөсүз. Андан соң кийимдериңизди кийип уйкуга жатыңыз. Эгер уксус кошулган суунун жыты жагымсыз болсо, анда азыраак эфир майын кошсо болот.